شكون تخلق قبل العضمة ولا الدجاجة ؟

باش انجمو نجاوبو لازمنا نفهمو السؤال قبل,
معنتها نرجعو للتعريف وفقا للبرامج الرسمية للرياضيات متع كل مفهوم في
السؤال ونطرحو تساؤلات ونجمعو الخبراء متع البيداغوجيا والديداكتيك فماش ما نلقاو اجابة,
السؤال يبدا ب– شكون تخلق قبل ؟ – هاذي وحدها صعيبة خاطر هي تقولش تحكي
على la notion de divisibilité sans algorithme d'euclide
 وزيد موش موجودة في البرنامج

أخطانا ياسيدي وخنمشيو لدجاجة خير
شمعنتها دجاجة ؟

متقليش باش تستعمل تعريف الدجاجة القديم الي هي تبيض وتقاقي؟
لا لا لا
هوني حسب رايي نحكيو على الدجاجة كمخلوق كامل والمقصود البرنامج دجاجة أو
البرمجية دجاجة بالحمض النوني متاعها الي فيه، هالمخلوق هذا كيفاش يتصرف
كيفاش يتكاثر مالعضمة للسردوك أو الدجاجة,(حد مايقلي حكاية تخلقت من ضلع السردوك
يعيشكم) كيفاش ياكل كيفاش يتعامل مع الحيوانلت لخرى ونتي ماشي,
يعني هو حلقة زمنية كاملة الخلق.
والسؤال يولي وقتها عندو مفهوم آخر وهو الحلقة هاذي كيفاش دخلت للزمكان
من شيرة العضمة ولا من شيرة الدجاجة ؟
والسؤال هوني يفقد الجدية متاعو خاطر العضمة فاها برنامج دجاجة والدجاجة
فاها برنامج عضمة
تي استنا اساعا علاش ما تدخلش معا بعضها الكل فرد وقت ؟  واكاهو. موش خير ؟
تعرفوشي كيفاش ؟ خنمشي نفركس تعريف العضمة في برنامج الرياضيات واتو نجيكم.....
.....Les coniques - ellipse 

مهدي الطرودي